ബെംഗളൂരു: കോവിഡ് പരിശോധനാഫലം പോസിറ്റീവ് ആകുന്നുവെങ്കിൽ ഈ വിവരം രോഗിയെ നേരിട്ടറിയിക്കരുത് എന്ന സ്വകാര്യ ലാബുകൾക്കുള്ള വിലക്ക് ആരോഗ്യവകുപ്പ് പിൻവലിച്ചു.
പരിശോധനഫലം പോസിറ്റീവ് ആയാൽ വിവരം രോഗിയെ നേരിട്ടറിയിക്കാതെ സ്വകാര്യ ലാബുകൾ ആരോഗ്യവകുപ്പ് അധികൃതരെ അറിയിക്കണം എന്ന നിർദേശം കഴിഞ്ഞ വ്യാഴാഴ്ചയാണ് പുറപ്പെടുവിച്ചത്.
രോഗിയെ ആശുപത്രിയിലെത്തിക്കുന്നതിനുള്ള സൗകര്യമൊരുക്കാനാണ് ഇതിലൂടെ ലക്ഷ്യമിടുന്നതെന്നും ആരോഗ്യവകുപ്പ് അറിയിച്ചിരുന്നു.
എന്നാൽ, പരിശോധനാഫലം രോഗി അറിയുവാൻ കാലതാമസം വരുന്നത് മൂലം രോഗി മറ്റുള്ളവരുമായി ഇടപഴകാനുള്ള സാധ്യത കൂടുതലാണെന്ന വിമർശനമുയർന്നിരുന്നു. ഇതോടെയാണ് ആരോഗ്യവകുപ്പ് നിർദേശം പിൻവലിച്ചത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
